Franape Bar & Restaurant (已結業)

男朋友考试all pass ! 一于同佢食餐好的庆祝一下！我地两个都钟意食肉，决定要食扒😋系太子既呢间 bar & restaurant ,有得happy hour ,有得睇波又有晩餐食！唔错唔错！ 前菜叫左个凯萨沙拉拼鸭胸肉，个鸭胸肉出乎意料地好味，肉质一啲都唔'鞋'，仲每块都有少少脂肪，恰到好处，唔太腻但又有油香。主菜方面，男朋友叫左个肉眼牛扒，七成熟！真系好好好好食！肉质juicy ，软硬度适中，油脂亦刚刚好！最特别系个酱汁，有少少冧酒味，同牛扒好夹！仲有个薯蓉都一定要试！好creamy !同埋都有少少冧酒味！好似食紧冧酒味雪糕咁我就叫左个西班牙猪腩肉烩白豆，个酱汁有少少似沙嗲汁，但又带酸酸甜甜咁，几好味，够开胃！佢仲会配个法包俾你点黎食～肉方面，好似食紧鸡肉咁，切开好软一丝丝咁，几特别既一道菜呢个apple cider 好饮！有少少酒精但唔浓烈！