影片
更多
4天前
0 浏览
星期日同屋企人系旺角行完街，谂住揾下野食，就见到呢间新开主打食蒙古大草原羊肉既火锅店，仲要有羊肉串烧，正👍🏻，所以就入去试吓啦！本身我都好钟意食羊肉，特别系内蒙古羊，之前系北京食过就爱上，但系返到香港揾唔到，就算超市买写住蒙古羊肉片都唔好食，但今日我终于揾到佢啦！！咩记打边炉佢既羊肉真系不得了！佢分左几只唔同部位既羊肉片，我每款都想试，所以叫咗个至尊羊肉拼盘，呢个拼盘入面有齐4款羊肉，每款都有佢嘅特色！我最钟意特级高钙羊，佢入面系有啲软骨位，食落脆脆地好有口感👍🏻👍🏻，仲有百日羔羊肉，佢有啲油脂，所以食落有羊肉既油香，而且羊肉系好好好嫩滑！就算我系个汤到滚耐左佢都仲系好嫩，真心痴线😅，当我谂紧再加边款羊肉时，店员姐姐强烈推介我试吓佢哋个草原肥羊尾巴羊，佢话口感好特别架，好似竹笙咁，但有羊既味道，咁我哋就叫咗碟试吓啦，点知黎到真系哗！成碟牛胸爽咁！口感都同牛胸爽系一样，如果你钟意食牛胸爽，呢个我都强烈推介😋😋，总之今餐我哋好满意，完😆😆
张贴