影片
更多
2010-08-04
16 浏览
UCC个名好亲切，因为小弟读嘅中学英文缩写都系叫UCC！好多时都好旺，除地理位置有利之外，以日式西餐厅计，佢价钱唔算贵，但主要卖点系加$28，主菜变套餐，有餐汤、有一次性嘅自助沙律、同一杯餐茶，计落真系非常之抵，符合晒攞著数嘅心态，好似我哋砌沙律手势唔差嘅，虽然D沙律料好普通，无乜贵价嘢，但砌出哩个沙律咁大兜都唔止$28啦，个份量直情可以当一个女仔嘅正餐呀，最重要系过足个份「贪心」瘾丫嘛，哈哈！依餐生日饭，我哋一行2男3女，个个唔算大食，除咗小弟之外，所以叫4个主菜，另加钱2个转套餐，够晒食，连加一，埋单三旧半，每人都系$70，尖沙咀区算经济化算，主要系食物质素都对办，UCC嘅嘢一晌以哩水准都稳定，比较少出错，依晚情况都系，质素保持到！至于服务同环境就，算中规中矩啦。咖喱牛肉饭 $64小弟唔嗜辣，所以带微甜嘅日式咖喱就较啱我，4个主菜之中，其实依个最平平无奇，点佢都系纯粹为咗食咖喱，别无他想。咖喱依样浓香，微甜，层次唔复杂，对比印度、泰国等地咖喱，来得简单一点，亦系另一种感受。牛肉，不期然将佢变咗做配角，唔难食已收货，况且D牛肉都OK！海鲜奄列饭（茄汁） $66奄列饭，或者叫蛋包饭，都
依餐生日饭，我哋一行2男3女，个个唔算大食，除咗小弟之外，所以叫4个主菜，另加钱2个转套餐，够晒食，连加一，埋单三旧半，每人都系$70，尖沙咀区算经济化算，主要系食物质素都对办，UCC嘅嘢一晌以哩水准都稳定，比较少出错，依晚情况都系，质素保持到！至于服务同环境就，算中规中矩啦。
咖喱牛肉饭 $64
小弟唔嗜辣，所以带微甜嘅日式咖喱就较啱我，4个主菜之中，其实依个最平平无奇，点佢都系纯粹为咗食咖喱，别无他想。咖喱依样浓香，微甜，层次唔复杂，对比印度、泰国等地咖喱，来得简单一点，亦系另一种感受。牛肉，不期然将佢变咗做配角，唔难食已收货，况且D牛肉都OK！
海鲜奄列饭（茄汁） $66
奄列饭，或者叫蛋包饭，都系晌日式西餐厅钟意食嘅另一款菜式，因为可以睇到D师傅煎蛋 + 包饭嘅功力，今次个蛋皮厚度几好，都几够薄，不过，我觉得晌三楼嘅Niji就稍为优胜少少，够薄之余仲要厚薄够平均；另外，今次个奄列饭仲有个小瑕疵，面皮有少少穿咗，或许都系个意外啫。蛋皮包住海鲜炒饭，海鲜料就普通D，外层淋上蘑菇蕃茄汁，整体味道都OK！
鱿鱼本菇意大利烩饭 $64
有D惊喜㖞，「乌卒卒」嘅意大利，因加咗墨鱼汁，味道不再单调，加上饭粒湿润烟韧，几啱食。𩠌料有（本地）鱿鱼、（日本）本菇，前者柔韧啱啱好，系味道无乜，都好过个D橡筋鱿鱼，无味兼扯唔开，最怕呀；后者爽爽哋，令个意大利烩饭多咗另一种口感，而且，本菇好似有降胆固醇之效，真系多食唔怕！
海鲜汤意粉 $68
全晚最得众人欢心嘅一道主菜，除了材料丰富之外，有青口、虾、带子、鱿鱼，其次就系汤底蕃茄味浓郁清新，蕃茄味够实在唔假，而且，汤意粉一样做到有咬口感，熟透度啱啱好。唯一要挑剔系个样，上枱之时，你见佢D意粉放得杂乱无章，睇番就好似意粉、海鲜料、蕃茄汤放埋一齐煮，滚起就上碟咁款，如果连卖相都执好D，就起码俾佢90分喇！
最后，大家都食得好饱，甜品留番下次先！
张贴
