辣媽川湘私房菜

营业中

休息中

朋友话想食四川嘢，酸菜鱼之类，所以选择左呢间餐厅，因为元朗只系得呢一间比较坐得舒服少少的四川菜。😓环境来讲，唔错，光猛，不过地下好油，行去厕所我都差啲跣低！好似玩紧竞技赛咁！啲职员咁都可以行到，真系好犀利！😵😵😵😵食物味道唔算差，不过用料就⋯⋯⋯例如😓酸菜鱼（$189），里面嘅鱼片一定少于10片，只得上面见到嘅部份系有鱼，下面全部酸菜粉丝😓脆皮猪手（$89），啲皮硬都完全食唔到😓辣子鸡（$119），啲鸡超级细粒，重点系里面基本上揾唔到可以食嘅部份，好难得找到一粒鸡，点知原来系肥膏，点食啊，以为放入一堆辣椒就可以🤮香煎莲藕饼（$79），完全冇人食得落，好厚嘅粉，好油，好恐怖👌🏻蕃茄炒饭（$66）， OK啦，不过不失，好油😖咸蛋脆苦瓜（$79），将啲苦瓜点左炸浆，然后再油炸，味道正常，不过唔知系咪佢低温炸嘅关系，又系好油，唔脆总括而言，钟意食重口味嘅嘢，就会食四川菜，呢间野系做到超级重口味，所有嘢都系红卜卜，油琳琳，不过相信香港地可以揾到更加多更好嘅选择。如果一定要喺度食嘢，只得炒饭比较正常👍🏻👌🏻，嘢饮都唔错🍹🍹🍹