潮城潮汕火鍋

营业中

休息中

干净嘅环境、有礼嘅待应、好食嘅潮汕火锅。点咗蕃茄粟米猪骨汤底，谂住清清地食尽个牛香味。待应话基本上牛肉都系渌4-6秒就食得，啱晒心急嘅我。 ✦ 匙柄即牛前腿上方部位，系牛肉中最好食嘅部位之一。脂肪少、纹理清晰，口感嫩滑、肉味香浓。最为推荐。✦ 嫩肉牛腹同牛臀间嘅肉，同样油脂较少，入口爽嫩。 ✦ 西班牙黑毛猪肉质结实，唔臊，肉味浓。完全唔输蚀比牛肉。 ✦ 鱼皮饺皮薄馅靓。皮好滑溜，鱼肉新鲜。 ✦ 狮头鹅肉丸第一次食，爽口弹牙、鲜味多汁。有淡淡嘅鹅肉香。 ✦ 炸虾饼炸得啱啱好，金黄酥脆。口感弹牙、虾味浓郁。 比起平日食嘅火锅店，呢间好有心机。摆盘靓，肉类完全冇冰鲜感，睇得又食得。