Saravanaa Bhavan (已搬遷) 新店位置

最近同朋友约食饭，朋友系素食者，提议食呢间印度菜，我见平时好少有机会食，就决定同佢黎试下味道都唔错。餐厅嘅客人大多都以印度人为主，证明呢度嘅印度菜都够正宗。可能因为菜式都比较辣，餐厅系每张枱上面都预先放左2支水，够晒细心。我就叫左杯苹果汁，饮落非常fresh。呢个印度式嘅煎米饼令人相当有惊喜。米饼配合几种唔同嘅酱同咖哩，呢种白色嘅酱料有淡淡嘅薄荷味，个人唔系特别钟意。黄色嘅呢种就系酸酸地嘅，但我都系比较钟意点咖哩食多啲。呢种咖哩有非常浓郁嘅印度香料味，食落都比较辣。米饼入面仲包左薯仔!真系估佢唔到。最后仲另外叫左个炸磨菇，亦非常之唔错。食落外面嘅炸粉有少少姜葱味，磨菇岩岩好熟，保留到鲜味嘅汁。