靠得住粥麵小館 (康怡廣場北座)

营业中

休息中

两口子提早庆祝情人节，今晚唔煮饭，专程出去撑枱脚。太太喜欢食中式嘢，一于近近地，就喺楼下帮衬 ”靠得住” 。先叫咗两个前菜，有麻辣小黄瓜及陈醋春耳。黄瓜好清爽，配埋麻辣汁，辣辣地，好醒胃；而陈醋春耳就甜甜地，爽爽地，好开胃。另外叫咗白灼猪肚粉肠，两者都清甜爽口，但蘸咗辣椒豉油 ，即刻唔同晒，变得好醒神入味。主菜叫咗金银蒜粉丝蒸开边虾，虾胜在够新鲜，开咗边容易食，上面舖有大量蒜蓉，有助提升鲜味。而粉丝则吸收所有味道，够惹味兼弹牙爽口。心肝宝贝粥系专程叫比太太嘅，因为佢喜欢食粥。听个名已经冧晒，由于有大大块猪膶，非常鲜甜，入口即化；仲有大大粒带子，新鲜爽甜，本身粥底已经够绵滑，简直甜到漏，真系好啱食。值得一提系呢度嘅经理及侍应的服务态度非常好，恳勤招待，令人有宾至如归嘅感觉，见到好多街坊捧场，座无虚席。