鳳城酒家 (禮頓道)

营业中

休息中

同屋企人晚饭，由于只得两个人，叫了三个小菜。先嚟过虾多士。虾胶份量恰到好处， 弹牙。荐底块面包炸得香脆，食落口非常松化，水准高。另叫了一碟榄角骨。榄角骨有六件，件件Size非常大，排骨肥瘦适中，调味恰到好处，蜜糖味加上榄角味，配合得非常好，排骨走油令到外脆内软，肉汁得以保持，好好味。再叫了生菜鲮鱼球煲。呢个煲份量非常多，鲮鱼球size好似乒乓波咁大，另有豆腐生菜及草菇，份量之多，两个人最终食唔晒，另外汤头非常鲜甜，应该有加咗鱼汤，总括来讲，呢个煲冇得顶。虽然价钱连加一要约$400 ，但以𩠌菜水准来讲，物有所值。