4口

营业中

休息中

今日我嚟到位于中环嘅4口食饭，4口呢一排做紧鳗鱼嘅菜单，有唔少鳗鱼菜可以选择。浦烧鳗鱼饭鳗鱼饭嘅鳗鱼都好大块，鳗鱼鱼肉非常之厚，入口唔觉得有好多骨，肉质柔软，充满油香，配埋佢个鳗鱼汁嚟食，真系好好味呀。佛跳墙佛跳墙嘅汤非常之浓郁，材料又元贝，鸡肉，海参等等。将汤汁淋上面条上面，令到面条可以完全吸收到汤汁嘅味道。椰汁冰椰汁冰入口非常之清新，有唔少珍珠，以及凉粉等等嘅配料，非常之丰富。黑蒜香煎带子呢个带子煮得非常之入味，带子都有好几块，入口鲜甜，味道唔错。甜品方面，椰奶银耳炖桃胶嘅材料好丰富，入口亦唔会觉得好肥腻，作为今餐嘅甜品真系非常之恰当。整体嚟讲，我觉得今次嘅食物质素都几高，价钱亦都合理。