莆田 (荃灣廣場)

营业中

休息中

今日晏昼嚟到位于荃湾广场嘅莆田食饭，最近莆田就做紧海蛎节，又唔少特色海蛎菜式可以选择。餐厅空间感十足，装修好雅致。佢哋嘅海蛎餐牌仲有特价添。海蛎煎呢度菜式充满蛋香，仲有唔少海蛎，真系鲜味十足。最难得嘅系佢唔会煮得太过油腻，所以都几容易入口。芋香鸭芋头煮得好入味，外皮香脆，炸粉唔会太过厚，鸭肉充满肉香，仲有少少鸭油添。桂花陈皮炖雪梨依一个雪梨煮得好入味，加上有少少陈皮香味嘅点缀，令到成套菜式嘅味道更加丰富。农家擦粉依家个擦粉用上猪骨同埋鸡熬制出汤底，入口每一啖都系充满鸡肉嘅香味。加上亦都有唔少嘅𩠌菜，例如蛏子等等，所以都几丰富。整体嚟讲，我觉得今餐嘅食物都几有特色，加上价钱又唔贵，所以今日中午都有好多人嚟食。