Savor Kitchen

营业中

休息中

铜锣湾真系好多好嘢食，今日同朋友嚟Savor Kitchen食西餐。见佢做紧套餐优惠，就决定一人嗌一个set嚟share。头盘系章红鱼生鱼薄片，鱼好新鲜，切到好薄，配埋好香柠檬味嘅橄榄油，真系好开胃。前菜系手拆蓝蟹肉多士，炸到好酥脆嘅多士上面有劲多蟹肉，食到停唔到口。主菜我要咗炭烧三黄鸡胸青酱长通粉，鸡胸煮得啱啱好，一啲都唔嚡，青酱好香浓，同长通粉好夹。朋友食嘅系白酒煮蚬意粉，啲蚬肉好香白酒味，意粉都系偏浓味，应该好啱配酒饮。另外仲有炭烧西冷配薯蓉同忌廉黑椒汁，西冷牛好嫩滑，食落好香牛味，薯蓉同忌廉黑椒汁都好夹。香煎三文鱼柳都几大份，煎得啱啱好，鱼皮好脆，点埋佢嘅柠檬果蓉，好清新好好味。最后甜品系Tiramisu，卖相好靓，好香咖啡同朱古力味，大满足。佢嘅食物同酱汁配搭，仲有摆盘都好有心思，餐厅嘅环境装修又靓，座位阔落，都几啱朋友或者情侣嚟一边食嘢一边饮酒。