影片
更多
2008-12-24
22 浏览
呢间大牌档喺同区出晒名，因为唔系咁就脚所以都唔会成日嚟，今晚咁啱同屋企人经过，又未食晚饭，当然唔会过门而不入啦！入到去见佢而家兴任食打边炉，啲材料仲系自助添，好鬼吸引！ 不过同行有老人家，又有细路仔，而且我呢个礼拜又打过边炉又烧过嘢食，所以都系拣咗食小菜，冇咁热气，叫咗： 卤水拼盘：呢个拼盘款式几多，有鹅件、鹅掌翼、肾、千层峰、生肠、红肠、大肠、墨鱼、卤蛋，不过美中不足嘅系个拼盘冇卤水豆腐同花生垫底！卤水鹅件冇诚意，得一片肥肉连皮，唔比好过啦；鹅掌翼同肾卤得好稔，亦好入味；千层峰最好食， 其他嘅就不过不失啦！ 生炒骨：味道甜甜酸酸、肉同骨嘅比例都可以，炸浆亦唔会太厚，入面嘅肉仲保持到有肉汁，唔会炸到干晒，都几好味！ 琵琶豆腐：卖相唔错，虽然好明显睇到佢啲鲮鱼肉并冇用汤羹蒸熟先再炸，但系都力求整齐！呢度嘅琵琶豆腐好食在佢个炸浆有啲鸡蛋，除咗令佢嘅外表多咗一层金黄色之余，亦为食味加添一份蛋香，个豆腐内里仲要比一般食店软绵，真系几正！伴碟垫底嘅菜心亦够绿够脆够甜，呢样嘢就真系诚意十足嘞！ 避风塘酿鸡翼：酿鸡翼系用鸡中翼去骨连鸡翼尖酿入虾胶做饀料，先走油后再用大量红椒加炸蒜再翻镬。可能真系好
呢间大牌档喺同区出晒名，因为唔系咁就脚所以都唔会成日嚟，今晚咁啱同屋企人经过，又未食晚饭，当然唔会过门而不入啦！入到去见佢而家兴任食打边炉，啲材料仲系自助添，好鬼吸引！ 不过同行有老人家，又有细路仔，而且我呢个礼拜又打过边炉又烧过嘢食，所以都系拣咗食小菜，冇咁热气，叫咗：
卤水拼盘：呢个拼盘款式几多，有鹅件、鹅掌翼、肾、千层峰、生肠、红肠、大肠、墨鱼、卤蛋，不过美中不足嘅系个拼盘冇卤水豆腐同花生垫底！卤水鹅件冇诚意，得一片肥肉连皮，唔比好过啦；鹅掌翼同肾卤得好稔，亦好入味；千层峰最好食， 其他嘅就不过不失啦！
生炒骨：味道甜甜酸酸、肉同骨嘅比例都可以，炸浆亦唔会太厚，入面嘅肉仲保持到有肉汁，唔会炸到干晒，都几好味！
琵琶豆腐：卖相唔错，虽然好明显睇到佢啲鲮鱼肉并冇用汤羹蒸熟先再炸，但系都力求整齐！呢度嘅琵琶豆腐好食在佢个炸浆有啲鸡蛋，除咗令佢嘅外表多咗一层金黄色之余，亦为食味加添一份蛋香，个豆腐内里仲要比一般食店软绵，真系几正！伴碟垫底嘅菜心亦够绿够脆够甜，呢样嘢就真系诚意十足嘞！
避风塘酿鸡翼：酿鸡翼系用鸡中翼去骨连鸡翼尖酿入虾胶做饀料，先走油后再用大量红椒加炸蒜再翻镬。可能真系好多人客啦，鸡翼上枱时已经唔系好热好脆，不过食落都几惹味又够香口； 虾胶味道唔系太鲜但就几弹牙，食完个嘴有啲发胀，要饮多啖可乐冲吓先可以继续！
蒜茸炒豆苗：炒得啱啱好，菜仲好鲜嫩，蒜茸味唔太浓，唔会抢晒菜嘅味道！
黄金四色炒饭：卖相一流，颜色鲜艳，有南瓜，青豆，栗米，仲有樱花虾合成四色，啲料粒粒都切得超细粒，师傅嘅刀功唔错！ 不过啲饭就真系差咗啲嘞，有啲烂又有啲稔，一定唔系隔夜饭！好彩都炒得够干身，又唔系太多油咁都加番啲分嘅！
细支装汽水十蚊三支，抵！我哋饮咗半打！
呢度嘅环境都好似一般大牌档咁唔系咁企理，地下有水又有啲污糟，招呼都系因为人手唔够，要有啲耐性等吓，笑容就冇乜架啦，因为埋枱放低啲菜，佢都急急脚要做其他嘢，不过始终都系大牌档够镬气，啲嘢食真系几正，下次再嚟试吓佢个自助打边炉先！
张贴
