張生記 (已結業)

我同家人都钟意食中菜，觉得一家人围住一齐有倾一讲系最欢喜。张生记唔系一般酒楼食店，环境较高尚；台与台之间宽阔，大家唔会觉得督促或逼夹。杭州四小碟可自己拣选，我地拣左杭州熏鱼；美味腊鸭舌；西湖桂花藕及灵隐寺素烧鹅。鸭舌带有少少辣，怕辣就可能拣其他。我个人最钟意系西湖桂花藕，莲藕酿左糯米，烟烟靭靭，超好味！杭州名菜宋嫂鱼羹，未食过既话会觉得似鱼翅类既汤羹，但并非如此。宋嫂鱼羹鲜嫩滑润且带有蟹肉滋味，根本同一般既汤羹无法相比。杭州鱼丸同我地平时食开既四海潮州鱼蛋。杭州鱼丸入口带有空气感，就好似食紧雪糕/豆腐咁，入口即溶既感觉。西湖藕饼用上两小薄莲藕片夹著肉饼, 唔好被外表呃到，因为一d都唔肥腻，脆卜卜，好正。