漢城美食 (已結業)

妈咪有朋友自远方来,想带佢地食d特色野,试过呢间感觉几正宗就来了。我地一行8人, 又冇得book定枱,来到时最大那张枱己比人坐左,店舖实在太细,我地唯有东一忽,西一忽咁分开3堆坐,睇定餐牌先~老板好好人,我地坐晒佢d位系度等佢都好好招呼,但又唔会见我地多人特别好招呼,系好传统,好老实的小店经营, 等左好耐终于等到d人走晒,我地终于可以坐埋一齐食野lu~叫左两碟饺子($50@),两碟绿豆饼($50@),一碟烤牛肉,一碟烤猪肉,一份泡菜猪肉饭($50@),一碟炒年糕,韩国炒猪肠,一碟年糕饺子汤同韩国海鲜辛辣拉面~炒年糕,绿豆饼同泡菜猪肉饭之前试过,ok几好味,烤猪肉落左好多调味料,很惹味;烤牛肉就清d,我冇食,屋企人就话很鲜很有牛肉味;炒猪肠原来系猪肠的衣包住粉丝,几得意,但就稔左d,麻麻地~ 最好食系个海鲜拉面, d面好爽好弹牙,d汤又好鲜甜,我地原本叫左一个,后尾忍唔住叫多个~最惊喜系老板临尾送左碟黑豆米糕比我地做甜品,米糕好实好烟韧,但又唔似糯米那种烟韧,似系用大米整的,唔知佢用咩办法可以整到咁韧,又唔系好甜,感觉很特别~我地个个都话好食,净返一件食唔晒,叫老板比个胶袋我地拎返去食添