蝦麵店 (海光街) (已搬遷) 新店位置

朋友介绍话呢间面店好食，今日去开呢头，就试下啦。 我食嘅系辣味虾汤底的虾肉牛展掺掺，浓浓嘅虾汤带微辣，惹味又醒胃、厚切肉嫩嘅牛展，牛味浓郁、切片嘅虾肉，配虾汤最啱、嫩囗嘅通菜，解去肉嘅肥腻感，再加上油面掺米粉，口感丰富。男友食咖喱喇沙汤底海鲜掺掺，另加鱼片。一上台就见好多蟹柳，鱼片都好大片，仲有青口、原只虾、腐角、鱿鱼翼，塞得满满，我偷呷佢一啖汤，都唔错wor﹐不过我更爱我食紧果碗辣味虾汤底。两碗面份量都大，我地仲叫咗一碟通菜同一杯青柠soda﹐食到好饱。总括，推介辣味虾汤底，有特色，始终比较少有，亦整得好食，牛展坚好食! 但若唔食得辣❨其实都唔算辣❩﹐就推介咖喱喇沙汤底，都好好味。