影片
更多
2022-11-21
588 浏览
星期六喺上环买完嘢，就顺便食埋晚餐先返屋企。工作日以外嘅上环好静🙈，仲要有好多餐厅都无开，行多两行我哋发现有间新开嘅Poke Bowl店「Poking」。其实成六点几，我哋都惊佢收舖，好彩店主话可以整埋畀我哋食先🙏🏻。小店由一位后生仔主理，佢楼面厨房一脚踢，好厉害。呢度面积细细，环境装修行小清新路线，几舒服🌿。顾名思义，餐厅系食夏威夷鱼生丼🌺，佢设有五款招牌丼，另外亦可自由组合DIY，价钱由$78起。招牌丼啱晒懒人，唔使烦恼。鱼生丼有多样个人化选项，例如可以拣多酱少酱或多饭少饭。我哋嗌咗多饭🍚，出品真系超级大碗，连男仔都够食，非常难得。想食得轻盈啲亦可拣沙律菜🥗，或半饭半沙律。CREAMY BABY($118)，食材包括三文鱼、鸡蛋丝、牛油果、飞鱼子、青瓜、豆腐、芝麻碎、脆炸蒜粒、木鱼丝以及芥辣沙律酱。呢款就系比较常见嘅鱼生丼，🐟三文鱼刺身份量好多兼厚切。丼饭口感丰富，爆浆飞鱼子同蛋丝捞饭一流；🥑牛油果同豆腐就系柔软嘅代表。蒜粒唔够脆，实咗啲，以为系生米。芥辣沙律酱唔觉腻，因为带啲Wasabi味，少少攻鼻，开胃。THAI GOOD DAY($88)，食材包括香煎鸡扒、菠萝、甘笋丝、鲜虾
星期六喺上环买完嘢，就顺便食埋晚餐先返屋企。工作日以外嘅上环好静🙈，仲要有好多餐厅都无开，行多两行我哋发现有间新开嘅Poke Bowl店「Poking」。
其实成六点几，我哋都惊佢收舖，好彩店主话可以整埋畀我哋食先🙏🏻。小店由一位后生仔主理，佢楼面厨房一脚踢，好厉害。呢度面积细细，环境装修行小清新路线，几舒服🌿。
顾名思义，餐厅系食夏威夷鱼生丼🌺，佢设有五款招牌丼，另外亦可自由组合DIY，价钱由$78起。招牌丼啱晒懒人，唔使烦恼。
鱼生丼有多样个人化选项，例如可以拣多酱少酱或多饭少饭。我哋嗌咗多饭🍚，出品真系超级大碗，连男仔都够食，非常难得。想食得轻盈啲亦可拣沙律菜🥗，或半饭半沙律。
CREAMY BABY
$118
20 浏览
0 赞好
0 留言
CREAMY BABY($118)，食材包括三文鱼、鸡蛋丝、牛油果、飞鱼子、青瓜、豆腐、芝麻碎、脆炸蒜粒、木鱼丝以及芥辣沙律酱。呢款就系比较常见嘅鱼生丼，🐟三文鱼刺身份量好多兼厚切。丼饭口感丰富，爆浆飞鱼子同蛋丝捞饭一流；🥑牛油果同豆腐就系柔软嘅代表。蒜粒唔够脆，实咗啲，以为系生米。芥辣沙律酱唔觉腻，因为带啲Wasabi味，少少攻鼻，开胃。
THAI GOOD DAY
$88
19 浏览
0 赞好
0 留言
THAI GOOD DAY($88)，食材包括香煎鸡扒、菠萝、甘笋丝、鲜虾、中华沙律、芝麻碎、花生碎 以及泰式沙律酱。呢款虽然无鱼生，不过都好足料。🐔煎鸡扒几好食，煎得香脆，而且肉质嫩滑；🦐虾有七至八只，质感都算爽弹。🇹🇭泰式沙律酱味道温和，如果辣啲就更正；🍍菠萝则为丼饭带来甜味及新鲜感。
寿司饭底用上珍珠米，软硬度同湿度适中，较日式料理店无咁酸。
糙米饭底Brown Rice系健康之选，口感偏粗糙，要嚼多几下，几得意。
总括嚟讲，呢度嘅Poke Bowl大大碗，味道都唔错😊，相信平日午市应该都有唔少人帮衬。希望店家迟啲可以考虑提供埋小食，多啲选择嘛！
张贴
