聚豐燒鵝小廚

营业中

休息中

元朗抵食性价比高餐厅😳入到去职员已经好好招呼又会主动介绍餐牌嘅食物，非常有礼貌！同屋企人食咗几个小菜好好食，份量好多食唔晒仲打包左。黑松露滑蛋虾球非常之推介，因为佢哋嘅蛋真系整得好滑，大约半生熟状态，用嚟送饭真系正。然后入边嘅虾好多好多，令我觉得餐厅好吸引嘅原因，食极都仲有虾。沙嗲肥牛煲用嚟送饭正☺️沙嗲汁味道香，但系又唔会过分浓味，肥牛未算肥得好夸张，食多几件都唔惊太肥，个底仲有好多粉丝，吸晒啲汁蒜蓉炒芥兰叫返个菜平衡吓，芥兰一向有咬口系我最钟意嘅菜，佢哋都冇令我失望，蒜蓉味好香，盐分控制得好好，唔系太咸。