麵館皇

营业中

休息中

约左朋友夜晚行年宵，见未够钟就去左铜锣湾揾食啦！间餐厅最特别既就系佢个药膳汤底啦，所以就叫左一个药膳既麻辣口水鸡手擀面。因为系即叫即整，所以要等一阵。因为铺头啲面系用瓦罐装，所以周围都贴左啲标示，叫食客小心，好贴心！汤底药膳味适中，好易入口，唔会系有好重既中药味，热辣辣，冬天饮就最啱；手擀面既质地比较烟靭，好有口感；麻辣口水鸡份量充足，肉质尚算鲜嫩，下面仲有埋啲青瓜做伴菜，青瓜吸哂啲辣酱味，好惹味。朋友既特制镇江骨药膳就同我既麻辣口水鸡好唔同口味喇，酸酸甜甜，够哂开胃，下面既椰菜又吸哂镇江骨既肉汁，唔会好淡味。冻奶茶够滑身，系唔错既选择。