一遊

营业中

休息中

今日约咗四个朋友一齐食饭，呢一班都系认识咗好耐嘅猪朋狗友，所以一定要去一个可以饮酒嘅地方。最近真系好少饮清酒，所以我就提议不如去劳士佛台呢间日式居酒屋，结果大家都好满意，话嘢食好味，清酒好饮，环境舒适，service都几好。神龙纯米大吟酿，第一啖比较甜，有独特果香味。虽然酒精度数有16.8度，但系都绝对觉得易入口！呢个清酒配埋炸鸡软骨同炸八爪鱼一齐食，真系好夹，而且炸得好酥脆，完全唔会觉得油腻。后来就决定叫啲鱼生，所以就叫咗八爪鱼沙律，店员都有特别介绍，就系话要将佢卷埋啲果蓉一齐食，加埋佢哋自家调制嘅酱汁，真系好有惊喜。呢度嘅鱼生都好出色，好新鲜，超好食！我特别钟意佢哋超大只嘅牡丹虾同好肥美嘅中toro。海胆吞拿鱼roll都系一个几出色嘅item，紫菜保持到好脆，但系鱼生蓉真系好creamy。熟食方面就叫咗串烧，牛舌、鸡肉串，芦笋猪肉同番茄猪肉就系其中几日我觉得最出色嘅，所有嘅肉都调配得刚刚好，唔会鞋，而d蔬菜又保持到好清甜。铁板宫岛蚝手略为有炸过，加埋甜甜地嘅酱汁，好好食，垫底底嘅菇类都好出色！虽然话我哋系嚟饮酒，但系最后都叫咗一壶蓝莓茶大家一齐分享，味道好fresh。