雅 ‧悠蔬食

营业中

休息中

素食朋友带我嚟到位于尖沙嘴嘅素食餐厅 雅 ‧悠蔬食， 佢话平时午餐都会叫呢度嘅外卖， 于是等埋佢放工过嚟食下啦～餐厅装潢以紫色为主，俾人一种放松、浪漫嘅感觉。店内餐牌亦有好多选择，4-6个人嚟食就可以食多几款食物啦，睇相卖相都好吸引呀！✨焗苹果🍎酥皮盒苹果批就成日见，第一次试焗苹果酥皮盒，原来系用青苹果、提子干做馅料，再配上香脆嘅酥皮，虽然材料简单，但喺好好食呀🤤✨苔菜炸蘑菇🍄黑松露酱好钟意呢个炸蘑菇， 上菜嘅时候仲热炳炳，炸完之后入口依然香脆多汁。✨悠蔬食小食拼盘每份小食都有2-3件，份量两个人share 食，样样都可以试吓！拼盘有酥脆腐皮卷﹑泰式如饼﹑沙嗲串烧﹑酥炸蒟蒻同吉列牛油果🥑，沙嗲串烧真系好似有肉既口感👍🏻而吉列牛油果🥑外脆内软，油炸得啱啱好。✨素大哈炒金边粉（小辣）落单嘅时候，店员都好好，提醒我哋有少少🤏辣，夏天食酸酸辣辣的金边粉，好开胃呀～金边粉口感烟韧，加上豆干同素食虾，充满泰式嘅风味。