潮尚居

营业中

休息中

同太太及友人响尖沙咀行完街揾嘢食医肚，行至汉口道被灯箱广告「潮州食府天花板」吸引，走上咗去呢间叫「潮尚居」潮州食店。入到去环境都几清雅，被安排了近窗口位置坐，由于有间隔屏封，都几有私人空间，十分适合倾偈。我哋三个人点咗卤水鹅、燕窝石榴鸡、煎蚝饼、方鱼炒芥兰及糖醋面。估唔到有碟咸鸡送，份量都唔细。石榴鸡里面有燕窝，味道口感都好夹好好味！蚝饼都够厚身同埋几香口，卤水鹅片同埋炒芥兰都ok！最后个糖醋面份量都几足，差啲食唔晒！总括嚟讲呢间潮州食店啲嘢食同埋环境都真系唔错，收费合理，下次到尖沙咀都会再试吓其他菜式。