翠林辣蟹舫

各位姊妹，相信大家都觉得蟹好好食，鲜味十足，避风塘炒辣蟹就更加惹味！不过剥蟹壳就真系好麻烦，你都知㗎啦，会整坏我哋啲Gel甲。好彩我家M佬好钟意食蟹，又会肯剥埋喂我食。系呀，我系港女一名！但呢啲系爱呀，哈利！今日我哋就去到尖沙咀食翠林辣蟹舫，见证我哋嘅爱。酸梅凉瓜话梅酸味盖过凉瓜嘅苦味，入口一啲都唔苦，系一个开胃嘅冰冻前菜。酸菜龙趸汤底呈绿黄色，入口有淡淡嘅鱼鲜味同惹味嘅酸菜味，非常开胃。龙趸肉又大又厚，嫩滑弹牙，连埋酸菜同汤底一齐食，真系好夹！避风塘炒辣蟹今晚嘅主角到啦，以红木架上枱，卖相非常吸引！蟹肉结实鲜甜，食得出肉蟹好新鲜。避风塘炸蒜粒炒得好干身，一啲都唔油腻，提升蟹肉鲜味，微辣惹味，好味到要lam埋手指，正！飞天唐生菜煲唐生菜同烧到热辣辣嘅煲分开上，店员将唐生菜加入热煲再炒，马上传出阵阵虾酱味，非常有镬气。唐生菜新鲜爽口，好惹味。