翠林辣蟹舫

今日嚟尖沙咀食中菜，一直都想嚟呢间网红蟹店「翠林辣蟹舫」食招牌蟹🦀餐厅位于食店林立嘅亚厘士道，环境干净舒适，除咗传统嘅大圆枱，仲有卡位，空间宽敞，张枱都够晒大。镇店招牌蟹同龙虾有5种煮法，仲有多款小菜有八折优惠，每月更新。入座后店员会问你饮咩茶，奉上花生🥜，花生香脆，亦会问你几时上菜。黑白胡椒蟹🦀上碟已经好香胡椒味，大大只，最重要系足秤多肉，好多时食蟹都会遇着蟹钳壳好大但里面啲肉好少，呢度系蟹钳有几大肉就有几多🤩啖啖肉好juicy，而且新鲜鲜味，黑白胡椒味道浓郁，少少辣好惹味😋捞饭食真系一流👍🏻盐烧牛脷👅用锡纸包住上碟，店员打开锡纸后热辣辣出晒烟，份量好多，牛脷厚薄同肥瘦适中，肉味好香浓，牛脷加左洋葱🧅同香葱爆香好惹味。脆皮大肠猪大肠外面炸到好香脆，咬落爽口，油香渗出，再加上大量嘅花椒又香又辣，简直系极度邪恶😂香辣土豆丝土豆丝刨得好幼，食落好爽口，开头味道有少少酸，之后辣味后劲越嚟越劲，钟意食辣嘅朋友一定唔可以错过。整体来讲，食物质素不错，好惹味好有镬气，分量充足；环境舒适，座位宽敞；服务态度亲切，会帮手开蟹钳，提供手套和消毒湿纸巾，上菜后亦会介绍菜式。