影片
更多
2024-01-15
107 浏览
今日下午放假，同老公食个fine lunch先，我哋去左尖沙咀间楼上餐厅Amitie Kitchen。餐厅环境都几好，感觉干净整齐好舒服。Lunch set都几多选择，可选餐汤或沙律，饮品及甜品。我哋叫左个牛扒餐同烧春鸡餐，另外 +$15多左份餐包。餐包：有牛角酥、饼干条同竹炭包，牛角酥松脆，饼干条亦够脆，竹炭包软熟，加少少牛油无咁单调。是日餐汤：大蒜薯仔忌廉汤口感幼滑，淡淡薯仔味，几好。泰式西瓜沙律：西瓜好甜，沙律菜配上泰式酱汁酸酸地带微辣，感觉清新开胃。烤烧阿根廷牛扒(6安士)：卖相几好，叫左五成熟，肉质比较淋，入口带肉汁，油脂丰富，配菜有翠玉瓜、茄子、红黄椒同埋薯仔，牛扒同配菜已简单调味，好好食。香草蜜糖烧法国春鸡(半只)：春鸡烧得几靓，有光泽又唔㶶。鸡肉烧到刚刚熟，肉质嫩滑juicy，餐跟意粉，配菜同样有翠玉瓜、茄子同红黄椒，整体味道同卖相都唔错。饮品：老公叫左宇治抹茶红豆冰 (跟餐+$20)，佢话淡淡抹茶味，红豆甜甜地，佢好钟意。我就叫左宇治抹茶牛奶朱古力 (跟餐+$20)，抹茶、牛奶同朱古力mix晒一齐，味道好夹，甜甜地几好饮。甜品：蓝莓芝士蛋糕细细件，口感细滑creamy
餐厅环境都几好，感觉干净整齐好舒服。
Lunch set都几多选择，可选餐汤或沙律，饮品及甜品。我哋叫左个牛扒餐同烧春鸡餐，另外 +$15多左份餐包。
餐包：有牛角酥、饼干条同竹炭包，牛角酥松脆，饼干条亦够脆，竹炭包软熟，加少少牛油无咁单调。
是日餐汤：大蒜薯仔忌廉汤口感幼滑，淡淡薯仔味，几好。
泰式西瓜沙律：西瓜好甜，沙律菜配上泰式酱汁酸酸地带微辣，感觉清新开胃。
烤烧阿根廷牛扒(6安士)：卖相几好，叫左五成熟，肉质比较淋，入口带肉汁，油脂丰富，配菜有翠玉瓜、茄子、红黄椒同埋薯仔，牛扒同配菜已简单调味，好好食。
香草蜜糖烧法国春鸡(半只)：春鸡烧得几靓，有光泽又唔㶶。鸡肉烧到刚刚熟，肉质嫩滑juicy，餐跟意粉，配菜同样有翠玉瓜、茄子同红黄椒，整体味道同卖相都唔错。
饮品：老公叫左宇治抹茶红豆冰 (跟餐+$20)，佢话淡淡抹茶味，红豆甜甜地，佢好钟意。我就叫左宇治抹茶牛奶朱古力 (跟餐+$20)，抹茶、牛奶同朱古力mix晒一齐，味道好夹，甜甜地几好饮。
甜品：蓝莓芝士蛋糕细细件，口感细滑creamy唔太甜，连甜品素质都咁好，食完好满足。
张贴
