黑門水產すいさん (Fashion Walk)

营业中

休息中

环境5分：日本餐厅面积好大，仲有埋室外座，好有地道feel，畀五分。卫生5分：地方干净企理，抽气好，卫生都系满分。服务5分：服务员爽手唔啰唆，烧野手势好，自助落单，方便快脆，一样满分。味道5分：1)     黑松露白汁烧帆立贝响你面前烧，非常香松露味，松露丰富，带子又厚又鲜甜，加白汁同松露个组合好夹。2)     海胆蟹味噌甲罗烧都系响你面前烧，非常讲究，只能搅两野，不能多搅因为会出水，想玩都唔得。烧到滚热辣搽落饼干上非常重蟹味，又鲜又浓好好食。3)     北海道飞鱼刺身原条上，刀功好，新鲜爽甜，酸汁开胃惹味。食完刺身加$38炸埋条鱼骨，脆卜卜好香口。4)     烧牛舌心一串三件好juicy，牛味香。5)     烧鸡尾好爽脆。6)     烧鸡皮好似炸出黎咁卜卜脆同干身。7)     炸莲藕片切到超薄，甜甜咸咸，好似薯片咁香脆。8)      豚肉汤牛肉稻庭乌冬份量足，有五块软腍嘅牛肉，乌冬烟烟韧韧，有埋小唐菜同昆布。抵食5分：两个人一千松啲，又有日本传统贝烧，又有串烧刺身，又有专人服侍，抵哂。