影片
更多
2023-12-09
823 浏览
本人真系好少会写食评，一系好好食，一系好难食，今次呢间尝鹅，唔单止唔系好食，仲要好似以前大陆咁，样样屈钱，真系系香港少有既经历，唔知佢同以前间冰鹅系咪同一个老板，真系等执既节奏。当日我同两个小朋友系两点十五分左右到佢铺头门口，同佢讲六位，坐低之后五分钟即两点二十分，我先生就到左坐低，咁就打算叫一个叉烧油鸡饭，一个梅菜扣肉饭比小朋友食住先，因为我同佢都未谂到食咩，另外仲有两人未到，当我地叫时，老板娘话叉烧要等十分钟，仲话：你地系到食等一阵唔紧要啦。咁我就同个肥仔侍应讲：咁我地等埋一齐先叫。之后肥仔就走去拎两碗汤放低，再又拎两碗汤，我老公同佢讲：唔洗咁多汤，我地唔饮架。肥仔话：唔紧要啦，老火汤无味精架。咁我地就由佢，佢都放低左四碗。当去到两点半时老板娘就话有叉烧啦，咁我地就叫左叉烧油鸡饭同梅菜扣肉，然后问佢：烧鹅濑系咪有下午茶？佢同另一个女侍应即时黑面：系，两点半。我话：依家咪两点半，咁叫唔叫得？个女侍应好很串咁话：得，但唔包汤。老板娘就即刻再讲：咁收返佢两碗汤钱，五蚊碗。我话：咁你收返走两碗汤，我都话左唔要。老板娘：摆低左咁耐唔得啦，我以为你地全部食饭。我老公懒得同佢嘈，反正都仲有两人黎
当日我同两个小朋友系两点十五分左右到佢铺头门口，同佢讲六位，坐低之后五分钟即两点二十分，我先生就到左坐低，咁就打算叫一个叉烧油鸡饭，一个梅菜扣肉饭比小朋友食住先，因为我同佢都未谂到食咩，另外仲有两人未到，当我地叫时，老板娘话叉烧要等十分钟，仲话：你地系到食等一阵唔紧要啦。咁我就同个肥仔侍应讲：咁我地等埋一齐先叫。之后肥仔就走去拎两碗汤放低，再又拎两碗汤，我老公同佢讲：唔洗咁多汤，我地唔饮架。肥仔话：唔紧要啦，老火汤无味精架。咁我地就由佢，佢都放低左四碗。当去到两点半时老板娘就话有叉烧啦，咁我地就叫左叉烧油鸡饭同梅菜扣肉，然后问佢：烧鹅濑系咪有下午茶？佢同另一个女侍应即时黑面：系，两点半。我话：依家咪两点半，咁叫唔叫得？个女侍应好很串咁话：得，但唔包汤。老板娘就即刻再讲：咁收返佢两碗汤钱，五蚊碗。我话：咁你收返走两碗汤，我都话左唔要。老板娘：摆低左咁耐唔得啦，我以为你地全部食饭。我老公懒得同佢嘈，反正都仲有两人黎紧都会叫饭。但真心屈人店，叉烧系佢叫人等十分钟，佢就觉得我地一行六人都系一定要食饭？唔比人叫下午茶？好彩佢唔系放低六碗汤咋！d汤得个咸字，仲够胆收人五蚊碗，真系离哂普，最后我地六个人叫左三个下午茶烧鹅米，饮品加五杯，叫可乐要加多d系预左，但加几多唔会讲，饮品只得柠茶咖啡，奶茶都要等，学咩人开餐厅呀，最严重系好似自己系屋企冲既柠茶，用平时茶记拎水既杯去冲比你，收五蚊，过份到一个点。另外重点讲返个烧鹅米，烧鹅都还可以，juicy就一定唔系，皮肉分离的，最难顶系个汤底，只系一个白色的无味汤加左福字米既调味粉配福字米，迫住要问佢拎辣椒油先食得落。。。梅菜扣肉饭个仔话咸到只食到一半就无食。。
另一亮点系，系我地等叉烧期间有一对夫妇同个女入去坐低问个肥仔侍应：几点下午茶？另一个女侍应就远处答：两点半，未入得机架，你睇住餐牌先啦。讲完之后一拧转面就同个老板娘系门口好不屑咁讲：个个系到等下午茶。大佬，你间野有几大呀？专登讲比人地听咁，真系贴钱买难受。同时我地后面又坐低左一对老夫妇,个肥仔侍应又过黎帮佢地落单，人地话：要一个四号，一个五号，饮咖啡。。。人地未讲完，肥仔好大声：等阵先未写完。我同个仔都对望，真系好好笑，咁既服务态度。个老婆婆都反左佢一下白眼。。。
最后比佢收左一碗汤的钱，五蚊唔系比唔起，就算你地收哂四碗都系廿蚊，但问题系唔系咁做生意，你讲清讲楚无问题，而唔系好似屈人店咁，一坐低就放低几碗，咁个个未到下午茶既人入到去都比你屈几碗，你好赚过卖烧鹅啦
张贴