影片
港铁坑口站 B1 出口, 步行约3分钟
继续阅读
电话号码
39969704
付款方式
以上资料只供参考，请与餐厅确认详情
本人真係好少會寫食評，一係好好食，一係好難食，今次呢間嚐鵝，唔單止唔係好食，仲要好似以前大陸咁，樣樣屈錢，真係係香港少有既經歷，唔知佢同以前間冰鵝係咪同一個老闆，真係等執既節奏。當日我同兩個小朋友係兩點十五分左右到佢鋪頭門口，同佢講六位，坐低之後五分鐘即兩點二十分，我先生就到左坐低，咁就打算叫一個叉燒油雞飯，一個梅菜扣肉飯比小朋友食住先，因為我同佢都未諗到食咩，另外仲有兩人未到，當我地叫時，老闆娘話叉燒要等十分鐘，仲話：你地係到食等一陣唔緊要啦。咁我就同個肥仔侍應講：咁我地等埋一齊先叫。之後肥仔就走去拎兩碗湯放低，再又拎兩碗湯，我老公同佢講：唔洗咁多湯，我地唔飲架。肥仔話：唔緊要啦，老火湯無味精架。咁我地就由佢，佢都放低左四碗。當去到兩點半時老闆娘就話有叉燒啦，咁我地就叫左叉燒油雞飯同梅菜扣肉，然後問佢：燒鵝瀨係咪有下午茶？佢同另一個女侍應即時黑面：係，兩點半。我話：依家咪兩點半，咁叫唔叫得？個女侍應好很串咁話：得，但唔包湯。老闆娘就即刻再講：咁收返佢兩碗湯錢，五蚊碗。我話：咁你收返走兩碗湯，我都話左唔要。老闆娘：擺低左咁耐唔得啦，我以為你地全部食飯。我老公懶得同佢嘈，反正都仲有兩人黎緊都會叫飯。但真心屈人店，叉燒係佢叫人等十分鐘，佢就覺得我地一行六人都係一定要食飯？唔比人叫下午茶？好彩佢唔係放低六碗湯咋！d湯得個咸字，仲夠膽收人五蚊碗，真係離哂普，最後我地六個人叫左三個下午茶燒鵝米，飲品加五杯，叫可樂要加多d係預左，但加幾多唔會講，飲品只得檸茶咖啡，奶茶都要等，學咩人開餐廳呀，最嚴重係好似自己係屋企沖既檸茶，用平時茶記拎水既杯去沖比你，收五蚊，過份到一個點。另外重點講返個燒鵝米，燒鵝都還可以，juicy就一定唔係，皮肉分離的，最難頂係個湯底，只係一個白色的無味湯加左福字米既調味粉配福字米，迫住要問佢拎辣椒油先食得落。。。梅菜扣肉飯個仔話咸到只食到一半就無食。。另一亮點係，係我地等叉燒期間有一對夫婦同個女入去坐低問個肥仔侍應：幾點下午茶？另一個女侍應就遠處答：兩點半，未入得機架，你睇住餐牌先啦。講完之後一擰轉面就同個老闆娘係門口好不屑咁講：個個係到等下午茶。大佬，你間野有幾大呀？專登講比人地聽咁，真係貼錢買難受。同時我地後面又坐低左一對老夫婦,個肥仔侍應又過黎幫佢地落單，人地話：要一個四號，一個五號，飲咖啡。。。人地未講完，肥仔好大聲：等陣先未寫完。我同個仔都對望，真係好好笑，咁既服務態度。個老婆婆都反左佢一下白眼。。。最後比佢收左一碗湯的錢，五蚊唔係比唔起，就算你地收哂四碗都係廿蚊，但問題係唔係咁做生意，你講清講楚無問題，而唔係好似屈人店咁，一坐低就放低幾碗，咁個個未到下午茶既人入到去都比你屈幾碗，你好賺過賣燒鵝啦
继续阅读
第一次嚟呢間「嚐。鵝小廚」，叫左燒鵝米粉同埋燒鵝腩仔米粉！兩碗都大大碟，燒味同埋米粉分開上碟，感覺得睇！嚐。鵝小廚真係一間有趣嘅餐廳。我今日嚟到嘅時候正值飯市時間，竟然話飯賣晒，要轉粉麵先得，似乎未夠經驗準備晚市。我先試咗燒鵝米粉，燒鵝片鮮嫩多汁，肉質好滑嫩，入口即化。米粉煮得剛好，有彈牙嘅口感，同埋好吸收燒鵝嘅鮮味。湯底清淡而鮮美，令米粉更加入味。整體上，呢碗燒鵝米粉味道鮮美，平衡而滿足。之後我又試咗燒鵝腩仔米粉，燒鵝腩仔肉質鮮嫩，有層層嫩脆嘅皮脆，食落有啲嚼勁。米粉同樣煮得剛好，好入味。湯底味道濃郁，帶有燒鵝腩仔嘅香味，令整碗米粉更加美味。總括而言，對於鵝肉愛好者嚟講，呢度絕對係一個值得一試嘅地方。下次再嚟，我一定會試吓其他嘅招牌菜式。
继续阅读
今日心血來潮突然間好想食乳豬，老公就幫我搵咗間燒味舖頭，好好彩地仲有乳豬！不過係咪我少食燒味飯呢，我印象中嘅乳豬五寶一直都係紅腸鹹蛋加個乳豬加啲肉就完但呢間嘅乳豬五寶，有乳豬，叉燒，白切雞，燒腩仔，鹹蛋，包埋個湯$85 ，我覺得算係非常知足料！仲要佢每款材料都好食，燒腩仔唔會剩係得個肥字，叉燒有半肥瘦，白切雞好香滑，乳豬都燒得好脆！最後佢燒味汁撈飯亦都好好味，唔會太鹹。實在太開心啦，坑口開咗一間好好味嘅燒味舖頭yeah☺️☺️☺️☺️
继续阅读