泰海鮮 (已結業)

好耐无同呢班朋友食饭了，想食海鲜但唔想太贵，决定去比西贡及鲤鱼门便宜的屯门三圣邨，去得三圣，当然选择去泰海鲜，一行八人，当然订返间房坐得舒服啲，记得订房但唔记得订炸子鸡。首先去三圣海鲜街拣了一些海鲜，有龙虾、鲍鱼、大扇贝、花甲、桶蚝、奄仔蟹、海鲜汤料，再由店员带同海鲜一同到泰海鲜俾侍应，再秤斤両后向侍应讲其煮法或由侍应介绍烹调方式。除买了海鲜加工外，另响泰海鲜点了一些网上推介的名物，本身想点炸子鸡，但唔记得要预订，于是点了必食猪扒($96)、黄金鲜鱿($108，餐牌无的，问咗师傅今晚无咁忙，专登做俾我哋食的)，蒜蓉炒菜心，另外6样加工海鲜同海鲜汤。必食猪扒先出场，眼看无乜特别，但咬落去好淋身又够入味，洋葱炒得好够香，鱼仔又够脆香，剩低嘅洋葱同鱼仔用嚟捞饭食。黄金鲜鱿，睇到系用好多咸蛋黄去煮的，鲜鱿够嫩又弹牙，配上黄金咸蛋黄去煮，非常邪恶。白酒忌廉煮花甲配乌冬，呢味又系名物，白酒忌廉够香滑，配上弹牙乌冬一流，花甲没有煮得过熟，剩咗嘅汁又可以捞饭。酥炸桶蚝，大大只桶蚝，外面金黄香脆，里面刚刚熟，百感交集。海鲜汤，睇到汤渣有杂鱼、濑尿虾、沙白蚬、番茄薯仔汤，啲濑尿虾仲好鲜甜肉嫩，有咁多料一齐