辣媽川湘私房菜

营业中

休息中

喺元朗区食川菜，冇食过辣妈证明你钟意食辣都好有限。睇佢未装修之前已经经常帮衬，最爱嘅就系水煮鱼、口水鸡，真系一试难忘。早几个月得知佢要装修忍咗口好耐。呢一个月佢终于翻身再开幕，即刻狗冲唔使谂。除咗本身有嘅川菜以外，而家仲加咗好多唔同嘅菜式，甚至连煲仔饭都做埋。最开心嘅系味道依然。最好就一班人嚟食可以试多啲嘢。今次食咗孜然牛肉、口水鸡同埋呢个腊肠排骨煲仔饭。牛肉质地同味道非常好食，加埋啲薯仔片煎香咗好好味。口水鸡嘅汁，一如以往好食。最后就系试过呢一个煲仔饭，又估唔到佢整得好食，有饭焦得来又香口份量刚刚好😋正