影片
更多
2019-12-18
1159 浏览
位于亚洲博览馆2楼嘅中菜厅重新装修，喺11月份开张，装修得十分有心思，除咗有多幅出名嘅画作之外，系餐具选择上亦花心思，碗碟用上法国品牌，而餐具亦由英国入口。另外，餐厅有180度嘅无敌大海景，去食饭除咗系味觉嘅享受，视觉亦都系一种享受。餐厅服务十分贴心，每位员工对餐牌好熟悉，每次上菜都会作详尽嘅讲解，对用料同烹调方法十分了解。佢哋都好细心，问我地会唔会赶住走，再按照时间安排上菜速度。菜式方面贵精不贵多，菜单明显经过悉心挑选，有好多坊间都已经唔再做嘅手工菜。我哋叫咗两款小食，一个系海盐烧鲍鱼，另外一个系金钱鸡。海盐烧鲍鱼非常之惹味，用上新鲜鲍鱼，煮得啱啱好，有口感又弹牙，配上炸过嘅紫苏叶，非常惹味。金钱鸡听过好多次，但今次先第一次食，因为多功夫，坊间嘅餐厅已经唔再做，而今日终于试到喇！金钱鸡系由鸡肝，叉烧，肥猪肉，同埋中式pancake，一层一层非常之有层次，加上蜜汁非常之惹味，而餐厅细心咁配上小青瓜，卖相靓之余亦有助去除油腻感。主菜方面，脆皮三黄鸡系新鲜嘅三黄鸡，外脆内软，充满肉汁，鲜味十足。丽湖香酥鸭亦都系手工菜之一，佢哋将鸭拆肉，加入芋头蓉，再酥炸而成，香口之余亦充满芋头香味，非常之
餐厅服务十分贴心，每位员工对餐牌好熟悉，每次上菜都会作详尽嘅讲解，对用料同烹调方法十分了解。佢哋都好细心，问我地会唔会赶住走，再按照时间安排上菜速度。
菜式方面贵精不贵多，菜单明显经过悉心挑选，有好多坊间都已经唔再做嘅手工菜。
我哋叫咗两款小食，一个系海盐烧鲍鱼，另外一个系金钱鸡。海盐烧鲍鱼非常之惹味，用上新鲜鲍鱼，煮得啱啱好，有口感又弹牙，配上炸过嘅紫苏叶，非常惹味。
金钱鸡听过好多次，但今次先第一次食，因为多功夫，坊间嘅餐厅已经唔再做，而今日终于试到喇！金钱鸡系由鸡肝，叉烧，肥猪肉，同埋中式pancake，一层一层非常之有层次，加上蜜汁非常之惹味，而餐厅细心咁配上小青瓜，卖相靓之余亦有助去除油腻感。
主菜方面，脆皮三黄鸡系新鲜嘅三黄鸡，外脆内软，充满肉汁，鲜味十足。
丽湖香酥鸭亦都系手工菜之一，佢哋将鸭拆肉，加入芋头蓉，再酥炸而成，香口之余亦充满芋头香味，非常之好食，令人再三回味。
羊肚菌炒芦笋，加入左腰果，有唔同口感同层次，非常之好食。
甜品方面，卖相真系好靓，传统嘅芝麻卷充满芝麻香味。
水中花其实系一个非常之考功夫嘅豆腐花，厨师真系好犀利，将豆腐切到好似花咁，非常巧手。
最后嘅栗子creme brulee配上紫薯雪糕，唔系太甜之余亦非常有亚洲特色。
听餐厅经理讲，佢哋想系一年之内入米芝莲，相信凭佢哋嘅菜式，服务同埋装修，系一年内入到米芝莲指日可待。
张贴
