金鳳大餐廳 (D2 Place TWO)

营业中

休息中

D2 place 不嬲都几多好野食，呢间都几出名，成日都大排长龙。我地两点嚟到餐厅已经有人等紧，都要等咗一阵先有位，不过绝对值得等。BBQ汁西冷牛扒 $62食西餐通常一切块牛扒就知质素，呢块牛扒超易切，唔会有根切唔到，咬落好软腍腍。个汁就系普通平民扒房嘅烧汁，不过唔会太咸。六十蚊就有咁嘅质素，认真唔错。午餐配餐汤同餐包，汤有红汤白汤拣，白汤个味几浓郁，仲有鸡肉。牛油餐包好食，超松软!夏威夷猪扒 $58猪扒比起牛扒更有惊喜，猪扒够大份，肉质比较软。虽然个汁同牛扒系一样，但系都算几夹，上面仲有菠萝同翠肉瓜。