影片
更多
2023-09-13
413 浏览
今日去长沙湾探朋友，之后一齐食晚饭。朋友想食酸菜鱼，带咗我嚟港铁站对面𠮶间「鱼你相聚」。听朋友讲，餐厅系由有多年川菜经验嘅师傅主理，主打平民价钱正宗四川风味菜式，而招牌菜就有酸菜鱼、毛血旺同香喷喷煲仔饭。我哋点咗份 2-4 位用嘅大盘酸菜鱼，另外再加咗 2 款餐前小食：盐焗手撕鸡同凉拌海蜇。大盘酸菜鱼 ($268) 有 4 款鱼片可供选择，包括鲈鱼片、生鱼片、龙脷柳同我哋拣嘅鲷鱼片配柠檬酸菜汤。汤底鲜酸微辣，加上柠檬嘅香味，抢口又醒胃。鲷鱼片大大块，切至厚薄适中，食落啖啖鲜爽，滑溜得嚟又保留到鱼肉嘅纹理，不带半点腥酸，非常入味。配料有阔薯粉、薯仔、海带、莴笋、豆腐、豆腐皮、大豆芽、娃娃菜、金针菇等，另外仲会跟两款主食，拣咗手工薯粉同丝苗白饭，薯粉爽滑Q弹，尽吸汤头精华。2 款小食嗌咗盐焗手撕鸡 ($42) 同 凉拌海蜇 ($28)。手撕鸡肉质好嫩滑，食落完全冇雪味，带阵阵麻油香，加上汁料捞得够均匀，啖啖肉，很滋味。碟凉拌海蜇味道亦唔错，条条都晶莹剔透，食落爽脆又有咬口！另外呢度嘅饮品都好抵，加配价由 $5-$15 不等，点咗杯热柠茶同红豆冰咖啡，咖啡味道颇浓，与红豆拌匀，甜度刚好，值
今日去长沙湾探朋友，之后一齐食晚饭。朋友想食酸菜鱼，带咗我嚟港铁站对面𠮶间「鱼你相聚」。
听朋友讲，餐厅系由有多年川菜经验嘅师傅主理，主打平民价钱正宗四川风味菜式，而招牌菜就有酸菜鱼、毛血旺同香喷喷煲仔饭。
我哋点咗份 2-4 位用嘅大盘酸菜鱼，另外再加咗 2 款餐前小食：盐焗手撕鸡同凉拌海蜇。
大盘酸菜鱼 ($268) 有 4 款鱼片可供选择，包括鲈鱼片、生鱼片、龙脷柳同我哋拣嘅鲷鱼片配柠檬酸菜汤。汤底鲜酸微辣，加上柠檬嘅香味，抢口又醒胃。
鲷鱼片大大块，切至厚薄适中，食落啖啖鲜爽，滑溜得嚟又保留到鱼肉嘅纹理，不带半点腥酸，非常入味。
配料有阔薯粉、薯仔、海带、莴笋、豆腐、豆腐皮、大豆芽、娃娃菜、金针菇等，另外仲会跟两款主食，拣咗手工薯粉同丝苗白饭，薯粉爽滑Q弹，尽吸汤头精华。
2 款小食嗌咗盐焗手撕鸡 ($42) 同 凉拌海蜇 ($28)。手撕鸡肉质好嫩滑，食落完全冇雪味，带阵阵麻油香，加上汁料捞得够均匀，啖啖肉，很滋味。
碟凉拌海蜇味道亦唔错，条条都晶莹剔透，食落爽脆又有咬口！
另外呢度嘅饮品都好抵，加配价由 $5-$15 不等，点咗杯热柠茶同红豆冰咖啡，咖啡味道颇浓，与红豆拌匀，甜度刚好，值得一试！
张贴
