癡膠雞 (軒尼詩道)

营业中

休息中

天气冻成日好想食热嘢，打边炉就最好，但系唔系成日有咁多时间慢慢叹边炉。呢间嘅米线有火炉㷫住，可以暖笠笠食个快饭。招牌花胶鸡米线 $68汤底奶白色几浓郁，配料丰富，有3-4块花胶，满满骨胶原。鸡件虽然唔系髀位，但系都唔会好嚡，几有鸡味。鸡，米线有火炉keep住热辣辣吸汤汁，香浓软滑有咬口。药膳黄酒花胶鸡薯粉 $68一上枱已经闻到当归果只药材味，饮一啖汤有淡淡酒香，药材味恰到好处，仲有啲红枣香味，好滋补嘅感觉。炉一边㷫热一边食薯粉，汤汁越嚟越浓，薯粉入晒味。花胶同样有4块左右，鸡髀加$10就有，睇个样好吸引，鸡肉好嫩滑，肉质鲜嫩又唔会霉。云耳猪肚$38猪肚爽口，唔会硬，有咬口得来唔会𡁻橡筋，麻辣酱汁辣度适中，好惹味，配上云耳好爽口。明太子酿豆腐鸡翼 $20/只鸡翼皮炸得好香，一口咬下先系嫩滑嘅鸡肉，然后里面酿咗满满嘅明太子，少少惹味嘅辣，沾上少少沙律酱一齐食更加滋味。