Hygge

营业中

休息中

因pizza慕名而来，点知嚟到心思思想试其他嘢。餐厅装潢用实木，而且非常简洁，好舒服。可能我算夜到，又平日，坐得好阔落，加分。叫左龙虾墨鱼意粉，好好食，食完唔口渴，靓料出品。再听店员推介，叫左M7牛排，因身体关系，只可食全熟，厨师真系用心煮到全熟又唔「鞋」，仲keep到juicy口感。好功夫。芹菜薯蓉好有西芹味，真材实料，西芹fans必试。餐饮方面，叫左kiwi soda. 好多kiwi, 唔酸，亦冇过甜，啱啱好，如果有大杯装就好啦（加钱都值）。揾间餐厅有个小插曲：餐厅入口要出左商场先可以去到，但果一刻好大雨，电话同店员确认商场通唔到餐厅入口，店员贴心地叫我哋喺最近餐厅嘅商场门口等佢，佢拎把遮接我哋，非常感谢！一定会encore,下次试pizza. 年轻人，要好好经营间餐厅，保持食物水准，保持个咁舒服嘅环境。