大公館

营业中

休息中

朋友系荔枝角呢边放工，久违约左几个老死聚聚，贪呢度环境幽静，可以静静地叹住中菜倾下计，可以慢慢食，坐耐d 都唔会有压力。头盘叫左个个金甲炸鱼皮，热辣辣又脆，咸蛋咁香。川味口水竹丝鸡，有d 肉冻feel 嘅口水鸡，口感特别，配麻辣嘅口水汁好惹味，用竹丝鸡咪好补身啰，正呀！桂花蜜烧去骨鸭脚包，鸭皮包住芋头，鸭肉等配料蜜烧，鸭皮脆脆地带鸭脂香味，层次感出，愈食愈滋味。金沙虾球，用左好大只嘅大虾，个皮好香脆，带咸蛋香，香口菜首选。脆香豆酥蒸银鳕鱼球，鳕鱼好滑好香，下面系白滑上汤蒸蛋白，配上炸蒜同川辣汁，水准超卓，必食之选。黑松露和牛砂锅饭，黑松露味浓，热锅做出微微饭焦嘅效果又可以保温，和牛肉质嫩滑带少少爽口弹牙，食得出高质和牛嘅水准 份量十足，6个人都够分。甜点叫左怀旧芝麻卷，无论黎饮茶定晚饭，差唔多每次都一定会叫，因为出面已经好难食到呢个水准，芝麻味好浓，质感好滑，香甜味道较得刚刚好。整体黎讲，想要宁静高质嘅中菜馆一定会再返黎帮衬。