影片
更多
2024-10-06
0 浏览
刘德华成日讲，服务态度好紧要，呢样嘢一般系打边炉嘅场合都唔太适用，因为打边炉一般都比人有粗犷啲嘅形象，同埋大家吵吵闹闹先有气氛。但系两杯落肚，几句不合，气氛就变成气愤。最重要系会影响埋其他食客。我钟意呢度打边炉，就系因为气氛舒服宁静之余，服务态度同客人质素都好高。侍应非常有礼貌，呢套背景音乐播住70年代歌曲纯音乐， 听住Carpenter 嘅音乐，唔会有急住要食晒嘅感觉，唔会有粗口横飞，只系需要专注享受食物，同埋同家人朋友慢慢倾计。难怪呢开咗二十几年，都依然屹立不倒。🍖食物质素都好高，我最想介绍嘅系汤底，系冬瓜瑶柱汤，听落冇乜特别，分分钟仲会以为系史云X，少年你太年轻了，入边系有真嘅瑶柱，我仲特登笔起嚟俾大家睇，冇谂过真系多成咁！咁都不特止，个冬瓜切成蝴蝶型，而最劲嘅系下面仲有好多旧腌咗嘅牛展肉，功能可以媲美金华火腿，但系食落就好食过火腿好多。🍖 牛肉方面我哋叫咗传说中的封门柳，为咗保持神秘，我哋冇刻意去问点解系一个传说，而系选择咗自己去体会，个人认为牛味系好足，纹理分明，而特别之处， 系咬落会有床褥嘅口感，我意思系佢会有轻微回弹，可能系我嘅错觉，又可能系因为牛肉嘅切法，系一片肉中间切
🍖食物质素都好高，我最想介绍嘅系汤底，系冬瓜瑶柱汤，听落冇乜特别，分分钟仲会以为系史云X，少年你太年轻了，入边系有真嘅瑶柱，我仲特登笔起嚟俾大家睇，冇谂过真系多成咁！咁都不特止，个冬瓜切成蝴蝶型，而最劲嘅系下面仲有好多旧腌咗嘅牛展肉，功能可以媲美金华火腿，但系食落就好食过火腿好多。
🍖 牛肉方面我哋叫咗传说中的封门柳，为咗保持神秘，我哋冇刻意去问点解系一个传说，而系选择咗自己去体会，个人认为牛味系好足，纹理分明，而特别之处， 系咬落会有床褥嘅口感，我意思系佢会有轻微回弹，可能系我嘅错觉，又可能系因为牛肉嘅切法，系一片肉中间切开两边，又唔切尽，形成一个人字，而产生出嚟嘅特别口感。
🍖蔬菜拼盘同埋墨鱼丸，都非常新鲜，配合埋佢个酱汁，我估计系xo酱加豆豉酱，非常好味。不过一定唔可以错过推介炸响铃。我哋可以点完其他先再决定要食响铃，预计佢会迟嚟，但系都等多咗好一阵子，喺呢个等待嘅时间，我哋讨论过，而且特别雀跃，我哋都估计系因为要即炸嘅关系而迟啲上枱，到嚟嘅时候，bingo，外面热热地，用筷子夹落去嘅时候已经索索声，新鲜炸起真系零舍唔同。
20年嘅老店自有佢生存之道，呢餐系一个特别宜舒适嘅打边炉体验。
张贴
