興記菜館

营业中

休息中

在庙街，有两间吃煲仔饭的食店颇为出名，一是兴记，二是四季。大约七时许，四季店外已大排长龙，最后选定人龙短一点而分舖多一点的兴记晚膳。一客香煎蚝饼，都不算太油腻，蛋饼香脆，蚝肉美味，都几好食，只是蚝仔数量稍嫌少了一点。豉椒炒蚬蚬肉很大只，不过味道偏淡，口感略韧。蒜蓉蒸圣子，用料质素同样平平，味道主要来自香口的蒜蓉。主打的煲仔饭有三个，分别是滑鸡腊肠饭、𫠒鱼鸡粒饭及白鳝饭。先谈配料，滑鸡确是几滑，相较之下，鸡粒显然较韧较失色。腊肠肥肉比例相信较多，所以颇腍身及肥美。白鳝切得薄薄，鱼味突出，都唔错噃。再谈煲仔饭身，用炭炉煮成，风味当然浓一些，饭粒煮得干身得来又唔硬，煲边黏着少许饭焦，既香口又有口感。不过，未知各配料是否后期才加上饭面，香气油份未有渗入饭身，稍嫌可惜。菜蔬选了杂菜煲及炒通菜。杂菜煲都算几大煲，杂菜亦煮得几腍。炒通菜味虽浓，但质感比较老身，还是杂菜煲好吃一点。