影片
更多
2024-06-22
444 浏览
见呢间店咁多人排队，以为好好食，所以5月份抱著期望咪同屋企人去试吓！入到店内，第一个感觉就系好唔舒服，因为店舖唔大，而且座位好密好迫夹，近乎背对背坐！ 心谂，只要食物好味就得，环境有时未必一定要排首位。 于是点咗个排骨面餐、担担面、生煎包半打！排骨面餐： 呢个先到，所以我衬热食先。 排骨室温又油！ 跟住食啖面啦，面又好淋、无咬口，出去食上海面真系未遇过咁嘅情况！ 饮啖汤，味极淡，所以整个面，无论𩠌、面、汤，都好差！ 轮到杯豆浆，个杯细到好似酒楼饮茶𠮶只杯咁，相比只系大少少！ 豆浆唔系免费送ka，洗唔洗咁孤寒呀！？ 当然，豆浆味道都无咩好讲啦！食到跟餐𠮶个生煎包，又唔热又干，中间无汁、个底好硬，可能系煮过龙所致！然后，半打生煎包到啦，今次呢半打生煎包就热嘅、中间有汁，但问题系我食唔到肉嘅鲜味！我个餐都食咗一半有多，份担担面仲未上，咪追吓单啰，个男侍应阿叔粗声粗气，都系𠮶啲hea回应，虽然未至于无礼貌，但语气行为令人不好受！担担面终于出场啦，但我已经无晒心情，相都唔影啦，目测都系好一般！总结：今次食物唔好食，远低于期望。 座位迫夹，体验极差！ 写咁长，系希望将今次中伏嘅经历讲俾大家知，
入到店内，第一个感觉就系好唔舒服，因为店舖唔大，而且座位好密好迫夹，近乎背对背坐！ 心谂，只要食物好味就得，环境有时未必一定要排首位。 于是点咗个排骨面餐、担担面、生煎包半打！
排骨面餐： 呢个先到，所以我衬热食先。 排骨室温又油！ 跟住食啖面啦，面又好淋、无咬口，出去食上海面真系未遇过咁嘅情况！ 饮啖汤，味极淡，所以整个面，无论𩠌、面、汤，都好差！
轮到杯豆浆，个杯细到好似酒楼饮茶𠮶只杯咁，相比只系大少少！ 豆浆唔系免费送ka，洗唔洗咁孤寒呀！？ 当然，豆浆味道都无咩好讲啦！
食到跟餐𠮶个生煎包，又唔热又干，中间无汁、个底好硬，可能系煮过龙所致！
然后，半打生煎包到啦，今次呢半打生煎包就热嘅、中间有汁，但问题系我食唔到肉嘅鲜味！
我个餐都食咗一半有多，份担担面仲未上，咪追吓单啰，个男侍应阿叔粗声粗气，都系𠮶啲hea回应，虽然未至于无礼貌，但语气行为令人不好受！
担担面终于出场啦，但我已经无晒心情，相都唔影啦，目测都系好一般！
总结：今次食物唔好食，远低于期望。 座位迫夹，体验极差！ 写咁长，系希望将今次中伏嘅经历讲俾大家知，信不信由你啦！
张贴
