葵涌百得阿姨

营业中

休息中

个人其实非常好粉类呀面类既食物，系葵广见到呢间有红薯粉既车仔面，无理由唔试既！车仔面有好多种玩法，有d要自己排队，叫𩠌，即时比钱; 有d呢就坐低叫食先比，呢间呢系坐低写纸，自己拣𩠌食，比纸姐姐，姐姐送碗粉黎果时就会收埋钱既。我叫左红薯粉小辣，入面已经有肉酱，花生，酸菜，再加牛丸腩肉，加冻柠茶，差不多50蚊。红薯粉黎到无辣味，而且食落好酸。系幼身既薯粉，牛丸唔弹牙，好淋，腩肉，都几肥，唔系我谂果种薄切。唯一值得赞既，系佢既花生，炒得好香，同个汤都夹既，好难得地我会食晒d花生！