老掌櫃東北菜館 (海之戀商場)

营业中

休息中

好耐无食中菜，特别系片皮鸭，我拣左呢间「老掌柜东北菜馆」，必食北京填鸭，份量够又好味。环境宽敞，仲有室外位，望住海旁风景，好靓好舒服。必点北京填鸭，仲点左红油抄手，排骨担担面，最后仲有甜品高力豆沙，好丰富好满足。北京填鸭（半只）跟12块饽饽皮 $168份量很足，片得几平均，鸭皮油润光泽好吸引。鸭肉嫩腍，唔会干，连住少少脂肪好香，鸭皮好薄好脆身，入口好香唔算腻。加爽脆青瓜同提香京葱，配搭填鸭酱料同鸭肉，用烟韧微回弹的饽饽皮包著食，味道岩岩好，口感丰富。红油抄手 $48一份十只好抵食，红油唔会好辣，少少刺激，加上大量蒜蓉，蒜香十足好惹味，馅料几多皮够薄，口感很好。排骨担担面 $52排骨肉质扎实微弹，微微炸过，香得来唔会好硬身，腌料调味也刚好。担担面好正， 放耐左都唔会糊开，面条顺滑有面香，加花生碎增加咬口，同肉碎一齐食特别香，微微辣好易接受，麻酱味唔会好重，食完唔腻。甜品高力豆沙 $24/2个即炸热辣辣，自己沾砂糖，喜欢甜的我沾左好多砂糖，很香甜美味。口感轻盈似食空气，但咬落有微微回弹，内馅有甜润的细滑豆沙馅，好完美的一餐晚饭。