莆田

营业中

休息中

今日嚟到位于中环嘅莆田食饭，餐厅嘅布置非常之优雅，座位亦都好阔落，令到我成餐都坐得好舒服。最近莆田做紧鳗鱼嘅菜式，我哋亦都点咗蒜蓉豆豉蒸鳗鱼，鳗鱼肉非常之厚，鱼皮弹牙，鱼肉入口有油香，完全冇腥味，非常之好味。芋香鸭外皮炸得好酥脆，芋头入口有少少甜味，加埋鸭肉嘅油香，真系令人食唔停口啊。农家擦粉呢个擦粉嘅份量都几多，有唔少嘅材料，包括少量嘅海鲜，以及系部份嘅内脏，份量都够晒两个人食。蒜蓉蒸虎虾虎虾嘅虾肉好弹牙，每一只都唔算太细只，加上落咗蒜蓉去蒸，令到成个味道都好惹味。冰心榴梿榴梿入口非常之香，外皮炸得好酥脆，连埋啲汁一齐食，真系好好味呀。整体嚟讲，我觉得今餐嘅食物质素都唔错，鳗鱼嘅菜式都好有特色。