囍源古早蛋糕 (已結業)

放假同朋友去深水埗食完野👩🏽‍🤝‍👩🏼，经过小巷见到呢间囍源古早蛋糕 。妈咪好钟意食古早蛋糕，呢间铺有好多款口味🤩多达六十几款，例如有雷沙黑芝麻、紫薯、榴梿、陈皮红豆蓉等...睇到我花多眼乱，最后拣左港式口味🤔奶皇同埋芋泥。古早蛋糕主要材料系鸡蛋🥚，未食已经闻到蛋香。食一小口，口腔亦持续阵阵蛋味。蛋糕低温烘焙，光泽湿润，口感松软绵密，低糖小油，食多左都唔怕😹。奶皇同平时食奶皇包馅一样，阵阵奶香。芋泥馅料用左泰国芋泥打蓉而成，口感绵滑。我觉得可以再多啲馅，芋泥香味同口感会更突出。当晚食唔哂，放左落雪柜第2日早餐，冻食口感似莎莉蛋糕😬童年回忆！下次再试其他味先💗