影片
更多
2018-01-15
289 浏览
香港人对日本野食有好深情谊结，我都唔例外，尤其串烧，一路吹水一路慢慢叹即烧野食，好写意。同朋友去左和居和居食晚饭吹水，见到一般都系熟客，质素实有保证。叫左个好特别既酒盗芝士，竟然系将鱼肠腌过，另外再有芝士加系饼干上面食。鱼肠咸咸地，好劲鱼味，配上芝士饼干，味道又好夹，仲有开胃感觉，一开始食有啲似虾酱味，但食完一块已经忍唔住食第二块，因为个鱼肠味道实在太特别。仲有烧到金黄色既鸡泡鱼干，好鲜好香脆，而且表面仲有些少酱汁，唔会觉得干，最岩吹水时食。打头阵系牛小排，唔系讲笑，烧到岩好，juicy得来好嫩滑，牛味好浓，根本唔使任何调味已经好正。鸡肾就好爽脆，简直食落都听到声。辣芝士鸡串，嫩鸡肉加香口芝士，热辣辣好味道。灯笼椒串，一上就闻到好香青椒味，本身青椒系配菜，味道唔太突出，但经过烧一烧，再加上木鱼，成碟升华左，味道好出，有鱼既鲜味，青椒既甜同多汁，健康又好食。同样甜同多汁仲有粟米。食完串烧，肚仔仲未饱，叫左碟吉列黑豚猪扒，用上等黑豚肉，加上朝椒，黑椒等腌过，炸到外脆内松化，而且豚肉弹牙，因为肉汁丰富，肉身有弹性，一啲都唔鞋口。伴碟既椰菜丝新鲜爽口，加分唔少。酒煮蚬，蚬肉好肥，粒粒饱满，配上
叫左个好特别既酒盗芝士，竟然系将鱼肠腌过，另外再有芝士加系饼干上面食。鱼肠咸咸地，好劲鱼味，配上芝士饼干，味道又好夹，仲有开胃感觉，一开始食有啲似虾酱味，但食完一块已经忍唔住食第二块，因为个鱼肠味道实在太特别。仲有烧到金黄色既鸡泡鱼干，好鲜好香脆，而且表面仲有些少酱汁，唔会觉得干，最岩吹水时食。
打头阵系牛小排，唔系讲笑，烧到岩好，juicy得来好嫩滑，牛味好浓，根本唔使任何调味已经好正。鸡肾就好爽脆，简直食落都听到声。辣芝士鸡串，嫩鸡肉加香口芝士，热辣辣好味道。
灯笼椒串，一上就闻到好香青椒味，本身青椒系配菜，味道唔太突出，但经过烧一烧，再加上木鱼，成碟升华左，味道好出，有鱼既鲜味，青椒既甜同多汁，健康又好食。同样甜同多汁仲有粟米。
食完串烧，肚仔仲未饱，叫左碟吉列黑豚猪扒，用上等黑豚肉，加上朝椒，黑椒等腌过，炸到外脆内松化，而且豚肉弹牙，因为肉汁丰富，肉身有弹性，一啲都唔鞋口。伴碟既椰菜丝新鲜爽口，加分唔少。
酒煮蚬，蚬肉好肥，粒粒饱满，配上淡淡酒香，好似仲闻到海水味一样鲜甜，好少食到甘肥美新鲜既蚬肉。最后凉乌冬面，酱汁配多左粒鹑蛋，拌完连同凉面食，令凉面更滑更入味。好满足既一餐饭。
张贴
