The Pearl

同老婆庆祝纪念日嚟咗呢度。餐厅几有情调，装修以黑色为主调，细枱、枱同枱之间阔络，serve年轻有型好态度。 ✦ 无花果帕马火腿沙律 ✦ 好大盘新鲜沙律，配有香甜嘅蜜瓜、咸香嘅Parma Ham、浓郁嘅parmesan芝士。好耐冇食到咁fresh嘅沙律。 ✦ 吞拿鱼牛油果泡沫他他 ✦ 惊喜一。吞拿鱼新鲜，就咁食都好香口鲜美。牛油果打成泡沫后冇晒油腻感。两者捞埋，再配上黑松露同罗勒油，口感丰富、味道有层次。好开胃，令我忍唔住食完又食，食到老婆冇得食。 ✦ 和风酱油大虾烟肉扁意粉 ✦ 惊喜二。食前完全估唔到，西式卖相之下，食落味道咁日式。明明系干身嘅食物，食落居然有饮面鼓汤嘅味道，甜甜哋好好食。虾大大只，爽滑有虾味。意粉煮得啱啱好，全熟、有弹性。 ✦ 香煎牛封门柳 ✦ 牛中间保留少少生，肉质鲜嫩，肉香味好出。 ✦ Rosy Romance (Mocktail) ✦ 玫瑰茶夹新鲜苹果汁，酸甜酸甜，味道清新。 ✦ Wandering Voyage (Cocktail) ✦层foam系香甜椰子味，配rum, 酒味较为浓郁。 餐厅位置唔算就脚，系好容易就会missed咗嘅隐世好店，值得出post推介