山

营业中

休息中

寿喜烧✖️Omakase $988🪭前菜三点🔸🍅蕃茄洒上淡雪盐🔸北海道水云🔸熟虾配琥珀合桃水云系一种外形好似发菜既海藻，三文鱼子搭青瓜，酸酸地，好开胃。🪭烧鳕场蟹拌云丹鲟鱼子用日本禾秆草烟熏，一打开盖，禾秆香气冲哂出黎。鳕场蟹上伴著金箔、鲟鱼子，令到食材更加升华左。🪭甘鲷立鳞烧配松露汁鱼鳞好脆，好似食紧薯片咁。鱼肉亦保持到细嫩，搭配松露汁，好正😋🪭季节寿司三贯🔸鲈鱼 🔸深海池鱼 🔸金目鲷三款鱼都好新鲜，口感爽嫩，渍物配搭好。🪭寿喜烧🔸佐贺A4和牛🔸日式时令菜篮有专人即场整寿喜烧，自己选择熟成度，佢会等你食完一片先整第2片俾你，和牛好大片，每人总共有3片，甜且味道浓，最后以唔同款既菜收尾。🪭季节雪葩柚子味，食完和牛可以解一解油腻感。🪭特浓蟹粉乌冬蟹膏特别用火炉分开上，保持住温度，将蟹膏淋落乌冬到食，可以因应自己既口味落唔同酸度既醋，将呢个料理再升级。🪭和风鲜果雪糕拿破仑好好食，香酥脆口，牛油味好重，作为甜点好满足。店铺装修风格好明确，座位宽敞，仲有个户外地方，同朋友倾计饭聚一流。