北斗

营业中

休息中

系附近返工咁耐，一直无为意到有一间咁高质嘅omakase。分「北」同「斗」两种套餐，前者有先付/前菜/串扬/食事甜品，后者会多左刺身同烧物，当然要个最丰富嘅餐。一路食，厨师都会一路介绍菜式同食材。食材都好优质好新鲜，好多都系由店主亲自去日本挑选同运送返黎。特别喜欢以下几款：💫白虾刺身配上马份海胆白虾几乎入口即溶，好清甜，同上面浓郁嘅马粪海胆形成强烈对比💫鲷鱼白子第一次食，口感有少少似生蚝嘅爽滑。配上柚子汁，几fresh💫慕蓉大蚬汤 汤好清甜，蚬肉非常肥美大只💫火炙黑鯥鱼黑鯥鱼本身油脂都丰富，火炙后油香更加吸引，配埋日本生蒜，真系好好味💫吞拿鱼蛇腹 炙烧过后，完全迫出油香，厨师建议一啖放哂入口，口腔充满油脂香，一流💫京都特产千両茄子 茄子蘸满薄薄面包糠再炸，好酥脆，一咬落去仲会爆汁。茄子皮上嘅细纹亦尽显刀工💫沙锥鱼沙锥外层炸得酥脆，里面有紫苏叶嘅香味同浓郁嘅加拿大海胆，层次丰富💫日本鱿鱼配松叶蟹蟹肉蟹膏 鱿鱼肉质非常爽脆弹牙，中间包住鲜香味十足嘅蟹膏蟹肉，整体外爽内软💫北海道活帆立贝 - 帆立贝非常鲜甜厚身，咬落仲系见到一丝丝嘅帆立贝丝💫近江和牛 油脂丰富，几乎入口即溶，外层有淡淡焦香