和宴

营业中

休息中

今日老师提早放学，就打算同朋友去尖沙咀行街，顺便去揾午餐。行下行下发现咗呢间有日式烧肉、日本菜同海鲜嘅，感觉佢哋嘅午餐套餐唔错，就决定去试下。入到去就卑呢副画吸引，好好睇！我哋两个人点咗唔同嘅套餐，两种唔同味道嘅套餐都好啱我哋！和牛温泉蛋丼套餐：呢碗饭睇落好有食欲，摆盘精致，肥美嘅牛肉覆盖喺饭上面，配埋我最钟意嘅温泉蛋，再用筷子戳破蛋黄，配埋牛肉片一齐食，牛肉更加香滑，真系太正啦！而且呢度嘅牛肉非常鲜嫩，每一口都可以品尝到浓郁嘅牛肉香气，真系太幸福啦！和牛铁板烧套餐：好大一碟啊！满满嘅和牛，肉质滑嫩，仲非常新鲜，配埋洋葱一齐食，非常香甜，仲带有浓郁嘅牛肉味，非常下饭！而且牛肉嘅脂肪分布均匀，食起嚟更加甜美！我同朋友都非常钟意呢度嘅套餐，下次仲可以再嚟发掘更多美食！