翠林辣蟹舫

趁疫情冇之前咁严重，真系要多D出去食饭，同太座谂有咩好食呢?突然个脑“叮”咗一声，竟然想起电视广告呢间食肆，一于打电话去订位试试!地点旺中带静好易揾，门口大大个招牌实见到，上到去坐低侍应好有礼貌介绍餐牌，同我地讲现在好多𩠌菜都做半价优惠，睇睇真系街边都唔止呢个价钱，抵食!我地喺镇店之宝四款蟹之中点了“黑白胡椒蟹”，惹味情度十级，越食越想食，几乎连有手套隔住都想啜埋手指，哈哈，两个人只能食到一款，下次一定要试埋其他三款镇店之宝蟹先得!“蜜桃咕噜肉”，好多地方都食到嘅菜式，但呢度煮得超好味道，我好耐冇试过食咁多旧咕噜肉同埋桃，肉嘅表面有d脆而内里肉汁丰富唔韧，如果个仔喺度一定啱哂佢!“鸡汤野菌烩面筋”，边个估到食完只蟹同一碟咕噜肉之后，食一啖呢个𩠌系会令人唔会摆低筷子，忘记自己有几饱，真心强推，面筋够哂入味，狂赞!两公婆食三样𩠌都捧住个肚走，下次一定要叫埋亲戚朋友嚟食吓其他嘢先得，后会有期!