癡膠雞 (軒尼詩道)

营业中

休息中

今日见天气好冻，想打边炉，咁啱去行婚纱展去湾仔揾嘢食。见到呢间叫痴胶鸡既餐厅，俾佢个名吸引入去😂😂。见到佢个菜单有个胡椒猪肚鸡汤锅🩷🩷🩷🩷🩷可以比我打边炉，即刻落单食先。因为天气真系太适合打边炉，热辣辣🤩。我叫左牛颈脊娃娃菜米粉同埋腐竹。先讲个汤底真系越煮越入味，煮耐咗啲胡椒味仲浓烈 同埋啲鸡系锅度滚都唔会好鞋口，鸡肉比较结实，但系唔韧。猪肚食落胡椒味都好浓。唔知系咪打边炉嘅关系，啲食材都好浓味正😍牛颈脊同埋娃娃菜米粉腐竹呢啲都系最吸味，打边炉一流。不过38蚊一份牛颈脊真系抵，够大份同埋都几大块。另外叫咗沙姜鸡饭🩷🩷🩷🩷佢嘅沙姜味，唔系太浓。偏淡口味，不过鸡肉系比较结实，同埋鸡味较浓，唔韧食落啖啖肉，都唔多骨，呢个价钱系湾仔黎讲都好抵食了。仲叫咗两杯冻柠茶，茶味香浓，好饮。食完已经好多人排队了。下次再试下其他口味。