熊貓小雲吞 (西九龍中心)

营业中

休息中

我同敏仔都系熊猫小云吞嘅老客户啦，平时想食吓手工凉皮同云吞，我都会拣呢间，分店够多，性价比高，味道仲唔错添。敏仔最钟意佢哋嘅粟米豚肉一口云吞，贪佢一啖一粒，仲有唔同嘅汤底拣，我哋眼见附近几枱嘅小朋友都系点呢一款粟米小云吞。一口粟米豚肉小云吞汤底有辣有唔辣，我哋拣咗清汤系鱼汤嚟嘅，另外仲有虾皮紫菜汤、蕃茄汤、麻辣汤及酸辣汤。手工凉皮酸酸辣辣嘅手工凉皮，凉皮口感烟靭带有些少爽口，感觉好清爽，加上青瓜、黄金豆及辣菜脯，风味十足。盐焗手撕鸡小食盐焗香味加上芝麻粒，鸡肉嫩滑，老少咸宜。氮气雪梨茶非常清新，但有些少梨的香气。食评总结：因为我真系好钟意食黄金豆，最后我都买咗一樽返去。而食物方面，性价比超高的熊猫小云吞，除咗一口豚肉云吞，凉面都好食，见到冰粉都好吸引，不过太饱啦，下次会再嚟食。